【本集提要】
「李明窗，明仔載若閣袂記得紮註攜帶的意思，例如紮（tsah）便當。水彩，共我試看覓！」佇全班同學的面頭前，老師唱聲註唱聲（tshiàng-siann），老師厲聲警告。矣！
連紲兩禮拜的畫圖課，挩窗攏袂記得紮水彩，姑不而將註無可奈何，台語就說姑不而將（koo-put-jî/lî-tsiong）。愛佮同學借。挩窗就是遮爾仔散形註做事懶散，漫不經心，常常忘東忘西，人真散形（suànn-hîng）。，老師看袂落去，共罵甲臭頭。
欲散學註放學，可說散學（suànn-o̍h）。進前，挩窗佇手底寫兩字「水彩」，想講按呢就會記得。無疑悟，轉去厝的半中途，伊就袂記得了了。看著路邊有草蜢仔註草蜢仔（tsháu-meh-á），在草間跳躍的蚱蜢。就去掠、蝶仔咧飛就去欱註用雙手合掌捕捉，有hop、hap兩種音。，聽著四跤仔註青蛙，台語的說法各地不同，如：四跤仔（sì-kha-á）、蛤仔（kap-á）、田蛤仔（tshân-kap-á）、四跤魚（sì-kha-hî/hû）、水雞（tsuí/suí-ke/kue）。聲就落田去巡，耍甲跤手全爛塗。落尾，去圳溝洗跤手，洗啊洗看著手底兩字「水彩」，煞來緊張，想起老師的警告⋯⋯
【系列故事背景】
[講古] 鄭順聰：愛會記得喔
![[講古] 鄭順聰：愛會記得喔](news/image/pics/NoPicture_mobile.jpg "[講古] 鄭順聰：愛會記得喔")
聲音：鄭順聰
文字：鄭順聰
鄭明窗小朋友住在嘉南平原的「阿無庄」，從小由阿媽獨力扶養，在紅磚與稻浪之間嬉戲優遊。由於姓名有個「窗」字，同村長輩暱稱：挩窗的（thuah-thang--ê）。但他眼珠子非但沒有偏斜，而是視力一流，可看到大人看不到的神明、鬼怪與人心幽微。「挩窗去弄險」是鄭順聰一系列台語冒險故事，以挩窗為主角，帶領讀者打開心內的門窗，去看看這個豐饒的世界，找回人該有的勇敢、智慧、善良。
連續兩個禮拜的圖畫課，挩窗都忘了帶水彩，被老師嚴聲警告。
為了怕忘記，挩窗在手心寫上「水彩」兩字。然而，放學回家路上，玩得樂不思蜀，猛然想起老師的警告，挩窗一緊張，把護身符拎了出來。
此時，神奇的事發生了，路邊的花草、鳥兒，神明與大自然，都來提醒他：「要記得帶水彩喔！」
挩窗到底遇到什麼事？最後記得帶水彩了嗎？請看這集的「阿無庄故事」。
挩窗感覺刺疫，就共頷領註領子，可說領（niá）與頷領（ām-niá）。弄弄予涼，香火註香火（hiunn-hué/hé），這兒指平安符，就是裝香灰、掛在身上可趨吉避凶的紅色小袋。拈出來。
你臆？發生啥物代？
挩窗敢若聽著有聲咧共叫，田庄路無人嘛無車，怪奇咧！遐有真濟刺查某註路邊有刺、會黏附衣褲的咸豐草，俗稱刺查某（tshiah-tsa-bóo）。，挩窗行倚，白色的花蕊若放送頭，直直播送：「挩窗，愛會記得紮水彩喔！」
伊耳仔擽擽註擽（ngiau），掏耳朵。咧，想講敢有聽毋著去。這時，有一隻班鴿飛落來，搖搖擺擺行過來，喙開開閣會曉講話：「ku！ku！ku！ku！愛會曉紮水彩喔！」
「唉唷！看著鬼！緊旋！」伊冊包仔註書包，冊包仔（phāinn tsheh-pau-á）。揹咧，就傱轉去阿無庄。
挩窗毋敢轉去厝，驚老師敲電話共阿媽講，不如先去廟遐拜拜，予伊的記持較好咧，較袂無頭神註做事糊塗健忘、沒有條理的人，台語叫無頭神（bô-thâu-sîn）。。
廟口猶原一个囡仔攏無，挩窗共冊包仔掛踮石獅的頷頸，迒註迒（hānn），跨過、越過。過戶橂註門檻，台語叫戶橂（hōo-tīng）。去拜拜：「神明啊！我有代誌欲拜託⋯⋯」伊話拄講，神明的目睭竟然褫開，指示講：
「你愛會記得紮水彩啦！」
「啥物！神明嘛講話矣！哇哩咧！」挩窗斡頭欲來走，去取冊包仔的時陣，石獅仔嘛開喙：「水彩！水彩！水彩！」
挩窗旋轉去厝，隨共水彩盒仔僥註翻找出來，僥（hiau）是說法之一。出來，抱牢牢，掠準按呢就無事矣！
阿媽無佇厝，暗頓已經攢便便，挩窗身軀洗好，共桌崁註倒蓋在餐桌上、用來防蚊蟲灰塵的桌罩，桌崁（toh-khàm）。掀起來，貯飯配菜來食。勻仔食挩窗勻仔聽著聲⋯⋯噫！勤儉的阿媽出門袂記得關收音機，按呢真了電喔！挩窗欲去共關掉，發現收音機無插電，空中主持人按呢講：「現代人代誌濟、厚操煩，定定拍交落註物品遺失了，可說拍交落（phah-ka-la̍uh）。，親像挩窗，你水彩愛會記得紮去學校喔！」
挩窗驚甲共水彩抱咧，衝去家己的房間，覕踮被內底。
無偌久，就去予阿媽掀開矣！
「阿媽，我知！明仔載⋯⋯明仔載我⋯⋯我⋯⋯一定紮水彩去學校！」
「戇囡仔！你是咧練啥物痟話！我是欲講！你身軀洗未？飯食飽未？」
「有啦！有啦！」
「按呢就較早睏咧！」
阿媽共房間的電火切掉，挩窗毋敢閣烏白走，就佇眠床頂睏去矣！
天拍殕仔光註黎明、天曉，拍殕仔光（phah-phú-á-kng）。，鳥仔聲共挩窗吵起來，伊目睭挼挼咧去看窗仔外，日頭拄對山的後壁面浮出來，有兩蕊目睭掛一支喙，出聲講：「早時去學校，愛會記得紮水彩喔！」
「我知啦！莫閣講啊！我欲起痟啦！」挩窗對眠床躘起來，拚去大廳，聽著有人咧挵門，拍開，門口有鐵牛伯仔、龍眼媽、村長、風水嬸仔⋯⋯規庄百偌人齊註齊（tsiâu），全部的人都來了啊！到，講的當然嘛是彼句話：「噫！愛會記得紮水彩喔！」
「我知矣啦！以後毋敢啦！」挩窗冊包仔捎咧，就對學校遐去。
彼咧，水彩猶原囥踮厝內，閣袂記得紮矣啦！
（漢字與拼音依教育部台灣閩南語辭典）
作者簡介：鄭順聰
作家。著有《時刻表》、《家工廠》、《海邊有夠熱情》、《晃遊地》、《基隆的氣味》、《黑白片中要大笑》。現正於ＳＯＳ連載台語神怪冒險小說：挩窗去弄險。